डांग्या खोकला

प्रस्तावना

हा एक जीवाणूव्दारे होणारा संसर्ग असून त्याचा प्रामुख्याने नाक आणि घशावर प्रभाव पडतो.  2 वर्षापेक्षा कमी वयाच्या बालकांच्या श्वसन मार्गावर त्याचा सामान्यतः हल्ला होतो. रुग्ण श्वास घेतो तेव्हा त्याच्या घशातून विशिष्ट आवाज येतो म्हणून ह्या खोकल्यास व्हूपिंग कफ म्हणतात.

कारणे

बोर्डेटेला पेर्तुसिस नांवाच्या विषाणूमुळे हा रोग होतो.  श्वासातून पडणा-या थेंबावाटे हा विषाणू पसरतो, रुग्ण जेव्हा खोकतो किंवा शिंकतो तेव्हा हे थेंब उडतात. नाकातून वाहणा-या पातळ पदार्थाचा स्पर्श झाल्यानेदेखील हा रोग पसरतो.

लक्षणे

• जीवाणूव्दारे प्रारंभिक संसर्ग झाल्यानंतर 7-17 दिवसांनी लक्षणे दिसून येतात.
• लक्षणे विकसित होणारे सर्व रुग्ण हे 2 वर्षापेक्षा कमी वयाचे असतात.
• लक्षणे ही साधारणतः 6 आठवडे टिकतात, आणि ती तीन टप्प्यांमधे विभागली जातातः

टप्पा 1 – लक्षणांमधे शिंका, डोळ्यातून पाणी, नाक वाहणे, भूक न लागणे, शक्ती कमी होणे, आणि रात्रीच्या वेळी खोकला यांचा समावेश होतो.
टप्पा 2 – रुग्णाला खोकल्याची न थांबणारी उबळ येते आणि तो श्वास घेतो तेव्हा जोराचा आवाज येतो. 
टप्पा 3 – यात रुग्ण बरा होतो, खोकला आता कमी झालेला असतो.  हा टप्पा साधारणतः चौथ्या आठवड्यानंतर सुरु होतो.

• मुलांमधे खोकला हा 2 आठवड्यांपेक्षा अधिक काळ राहील्यास तो डांग्या खोकला असू शकतो.

प्रतिबंध

• डांग्या खोकल्याची लस घेण्याची शिफारस सर्व बालकांसाठी केली जाते.  ही लस सामान्यतः डीटीपी (घटसर्प, धनुर्वात, आणि डांग्या खोकला) अशी संयुक्तपणे दिली जाते.
• पूर्वीचे संसर्ग किंवा लसीकरण यांच्यामुळे आयुष्यभर प्रतिकारक्षमता मिळत नाही.  तथापि, वयाच्या सहाव्या वर्षानंतर, संसर्गाचा उद्रेक होत नाही तोवर लसीचे बूस्टर डोस देण्याची शिफारस करण्यात येत नाही.

स्त्रोत : पोर्टल कंटेंट टिम