कोड

कोड म्हणजे काय ?

कोड ही एक स्वयंप्रतिकार अवस्था असून त्यामुळे त्वचेचा रंग नाहीसा होतो.  त्वचेवर पांढरे ठीपके येतात आणि त्यांचा रंग दुधी पांढरा असतो.  त्वचेचे सामान्य रुप आणि तिची संवेदना टिकून राहते.  खवले पडत नाहीत.

श्वेतकुष्ठ म्हणजे काय ?

श्वेतकुष्ठ हे कोडासाठी केवळ एक दुसरे नांव आहेः मूळ इंग्रजी नांवातील ल्यूको म्हणजे पांढरे आणि डर्मा म्हणजे त्वचा (ग्रीकमधे – मूळ).

कोड होण्याचे कारण काय ?

• कोड हे त्वचेच्या कृष्णरंजी कोशिकांना नुकसान झाल्यामुळं किंवा त्या मृत झाल्यामुळं होणारा परिणाम आहे.  कोड होण्याच्या कारणाबाबत विविध सिध्दांत मांडलेले आहेत.
• शरीराची रोगप्रतिकार यंत्रणा कृष्णरंजी कोशिकांना नष्ट करु शकते.  शरीर हे त्याला परकीय वाटेल अशा पदार्थाविरुध्द प्रतिक्रीया देते त्यामुळे रंगद्रव्य  नष्ट होऊ शकते (हा सिध्दांत सर्वात अधिक स्विकारलेला आहे).
• एक अनुवंशिक दोष आहे ज्यामुळं कृष्णरंजी कोशिकांना जखमांना बळी पडण्याक्षम बनवलं जातं.
• असाधारणपणे कार्य करणा-या मज्जापेशींमुळं विषारी पदार्थ तयार होतात ज्यामुळे कृष्णरंजी कोशिकांना इजा पोहोचते.
• कृष्णरंजी कोशिका स्वतःलाच नष्ट करतात. रंगद्रव्य तयार होत असताना, विषारी जोड-उत्पादनं तयार होऊ शकतात जी कृष्णरंजी कोशिकांना हानी पोचवू शकतात किंवा नष्ट करतात.
• संशोधनकर्त्यांचं असं मत आहे की या सिध्दांतांच्या एकत्रित परिणामी आपल्याला कारणाचं सर्वोत्तम स्पष्टीकरण मिळू शकतं.

कोड अन्य स्थितींशी जोडता येते काय ?

होय, त्याचा संबंध अन्य स्वयंप्रतिकारक्षमता व्याधींशी जोडता येऊ शकतो.