लसीकरणाबाबत हवी जागरुकता

लसी का द्याव्यात

माणसाचे राहणीमान जेवढे बदलते आहे तेवढाच अन्नातला कस कमी होतोय. माणसाची प्रतिकारशक्ती कमी होत चालली आहे. प्रदूषण वाढत आहे आणि नवनवीन आजारही डोके वर काढत आहेत. वेळी अवेळी बदलणाऱ्या हवामानामुळे आपली प्रतिकारशक्ती खूपच कमी होत चाललीये. अशा परिस्थितीत रोगांचा आणि आजारांचा प्रतिकार करण्यासाठी या लसी अत्यावश्यक आहेत.

या लसी बालकांना द्याव्यात

1. जन्मतः 'बीसीजी', 'ओरल पोलियो' आणि 'हेपाटायटीस बी' या लसी दिल्या जातात. त्यानंतर ६-८ आठवड्यात डीटीपी (घटसर्प , धनुर्वात ), एचआयबी (फ्लू ), पीसीव्ही (मेंदूज्वर), रोटा व्हायरस (डायरिया), ओरल पोलियो (डोस २ ) आणि हेपाटायटीस बी.
2. १० -१६ आठवड्यात डीटीपी(डोस २) , एचआयबी (डोस २) , पीसीव्ही (डोस २), रोटा व्हायरस ( डोस २ ) , ओरल  पोलियो (डोस ३)
3. ९-१२ महिन्यात पोलियो मिझल्स, १५ -१८ महिन्यात एमएमआर, १८व्या महिन्यात डीपीटी बुस्टर १, २४ व्या महिन्यात टायफाइड, ४-५ वर्षात डीपीटी बुस्टर २,

पेनलेस लसी

बरेचसे पालक मुलांना त्रास होऊ नये किंवा ताप येऊ नये म्हणून पेनलेस लसी देण्याचा आग्रह करतात . परंतु अनेक डॉक्टर या लसी देऊ नये असा सल्ला देतात. त्यांच्या मते नॉर्मल लसी देणे योग्य आहे.

'बऱ्याचदा पालकांमार्फत आवश्यक त्या लसी द्या अशी मागणी केली जाते. परंतु सर्वच लसी आवश्यक आहेत. पूर्वी आजच्यासारखी परिस्थितीही नव्हती. आहारात कस असायचा, वातावरणात एवढे प्रदूषण नव्हते. पण आता या सर्व गोष्टींच्या आभावामुळे प्रतिकारशक्तीही कमी होत आहे. त्यामुळे या सर्व लसी लहान मुलांसाठी आवश्यक आहेत.'

डॉ. पुरुषोत्तम देवी

स्त्रोत : महाराष्ट्र टाइम्स