व्यायाम आणि उष्णता

व्यायामातून बरीच उष्णता निर्माण होते. ही उष्णता घामातून आणि इतर प्रकारे त्त्वचेतून आणि श्वासातून निघून जात असते. जास्त व्यायामाने जास्त उष्णता निर्माण झाल्यास  व्यायामानंतर शरीर काही काळ गरम राहते.

पुरुषांची ऊर्जाप्रक्रिया जास्त उष्णता निर्माण करते. स्त्रियांना व्यायामात घाम कमी प्रमाणात येतो.

या उष्णतेमुळे भारतीय वातावरणात व्यायामासाठी ऋतू बरेवाईट असल्याची कल्पना आहे. उन्हाळयात ही सर्व उष्णता लवकर बाहेर घालवणे शक्य होत नसल्यास उष्माघात होऊ शकतो. थंडीत-पावसात मात्र ही अडचण नसते म्हणून शीतकाळात व्यायाम चांगला असे मानतात. मात्र उन्हाळयातही माफक का होईना व्यायाम पाहिजेच.

लेखक : डॉ. श्याम अष्टेकर

(MBBS, MD community Medicine)

संदर्भ : आरोग्याविद्या