शाळा सुटली, पाटी फुटली
आई, मला भूक लागली
शाळा सुटता धावत सुटले
ठेच लागुनी मी धडपडले
आई मजला नंतर कळले
नवीन कोरी पाटी फुटली
धम्मक लाडू चापट पोळी
नको देउ मज हवीच गोळी
किंवा दे ग, खमंग चकली
दे ना लवकर, भूक लागली
सायंकाळी जाउ दे मला
पटांगणावर खेळायाला
तिथे सोबती वाट पाहती
दे ना खाऊ, भूक लागली
कवी : योगेश्वर अभ्यंकर
अंतिम सुधारित : 7/13/2020
ए आई मला पावसात जाउ दे, एकदाच ग भिजुनी मला चिंब चि...
संगणकाच्या क्रांतीमधुनी साकारु या स्वप्न नवे चला ...
एक होता काऊ, तो चिमणीला म्हणाला, "मला घाल न्हाऊ, घ...
असावा सुंदर चॉकलेटचा बंगला, चंदेरी सोनेरी चमचमता च...