ही माती प्रामुख्याने कार्बॉनिफेरस (सु. ३५ ते ३१ कोटी वर्षांपूर्वीच्या) काळातील दगडी कोळशांच्या थरांखाली विपुलपणे आढळते. इंग्लंड, जपान, पूर्व अमेरिका आणि यूरोप या भागांत हिचे मोठे साठे आहेत. भारतामध्ये गोंडवनी संघात आढळणाऱ्या दगडी कोळशाच्या थरांखाली या मातीचे थर आढळतात. राजमहल टेकड्या, जबलपूर, कोलार, बंगाल, बिहार वगैरे भागांत तापसह माती आढळते. कुर्नूल (आंध्र प्रदेश) जिल्ह्यातील ऑक नावाच्या शेल खडकांपासूनही चांगल्या प्रकारची तापसह माती मिळते.
सर्व प्रकारचे आधुनिक उच्चतापसह पदार्थ या मातीपासून बनविण्यात येतात. उदा., उच्चतापसह विटा, भांडी, मुशी, बकपात्रे इत्यादींसाठी ही माती वापरतात.
पहा : उच्चतापसह पदार्थ; केओलीन.
ठाकूर, अ. ना.
स्त्रोत: मराठी विश्वकोश
अंतिम सुधारित : 1/30/2020
शरीरातील उष्णतानियमनाच्या कार्यात बिघाड झाल्यास उद...