गीत : मराठी अभिमान गीत
गीत : मराठी अभिमान गीत
लाभले अम्हास भाग्य बोलतो मराठी
जाहलो खरेच धन्य ऐकतो मराठी
धर्म, पंथ, जात एक जाणतो मराठी
एवढ्या जगात माय मानतो मराठी
आमुच्या मनामनात दंगते मराठी
आमुच्या रगारगात रंगते मराठी
आमुच्या उराउरात स्पंदते मराठी
आमुच्या नसानसात नाचते मराठी
आमुच्या पिलापिलात जन्मते मराठी
आमुच्या लहानग्यात रंगते मराठी
आमुच्या मुलामुलीत खेळते मराठी
आमुच्या घराघरात वाढते मराठी
आमुच्या कुलाकुलात नांदते मराठी
येथल्या फुलाफुलात हासते मराठी
येथल्या दिशादिशात दाटते मराठी
येथल्या नगानगात गर्जते मराठी
येथल्या दरीदरीत हिंडते मराठी
येथल्या वनावनात गुंजते मराठी
येथल्या तरुलतात साजते मराठी
येथल्या कळीकळीत लाजते मराठी
येथल्या नभामधून वर्षते मराठी
येथल्या पिकांमधून डोलते मराठी
येथल्या नद्यांमधून वाहते मराठी
येथल्या चराचरात राहते मराठी
पाहुणे जरी असंख्य पोसते मराठी
आपुल्याच घरात हाल सोसते मराठी
हे असे कितीक खेळ पाहते मराठी
शेवटी मदांध तख्त फोडते मराठी
दंगते मराठी, रंगते मराठी
स्पंदते मराठी, गर्जते मराठी
गुंजते मराठी ,गर्जते मराठी
कवी : सुरेश भट
अंतिम सुधारित : 8/3/2020
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
संबंधित चीजें
असावा सुंदर चॉकलेटचा बंगला
असावा सुंदर चॉकलेटचा बंगला, चंदेरी सोनेरी चमचमता च...
एक होता काऊ
एक होता काऊ, तो चिमणीला म्हणाला, "मला घाल न्हाऊ, घ...
ई-जलसेवा गीत
संगणकाच्या क्रांतीमधुनी साकारु या स्वप्न नवे चला ...
गीत : अरे खोप्यामधी खोपा
अरे खोप्यामधी खोपा, सुगडिणीचा चांगला, पहा पिल्लासा...
