पाण्यातले फ्लोराईड

फ्लोराईड नावाचा एक क्षार असतो. याचे पाण्यातले प्रमाण कमी अधिक होऊ शकते व त्याचे आरोग्यावर दूरवर परिणाम होतात. फ्लोराईडचे प्रमाण जास्त असेल तर दातांवर डाग पडतात, हाडे ठिसूळ होतात व हाडांना बारीक भोके पडतात. फ्लोराईडचे प्रमाण फारच कमी असेल तर दात किडण्याचे प्रमाण वाढते.

शहरामध्ये पाणीपुरवठा करताना फ्लोराईडचे प्रमाण योग्य ठेवता येते. मात्र खेडयामध्ये याचा फारसा विचार केला जात नाही. मुळात पाणी मिळणेच दुरापास्त झाल्याने या बाकीच्या प्रश्नांकडे लक्ष दिले जात नाही. पण गावात मुलांचे दात किडण्याचे प्रमाण फार असेल तर पाण्यातल्या फ्लोराईडची तपासणी करुन घेतली पाहिजे.

लेखक : डॉ. श्याम अष्टेकर

(MBBS, MD community Medicine)

संदर्भ : आरोग्याविद्या