अपु-या दिवसांचे मूल- जन्मत: कमी - वजनाचे मूल

आईच्या मागील पाळीपासून ते जन्मापर्यंत 37 आठवडे होऊन गेले असतील तरच जन्मलेल्या मुलाला 'पूर्ण दिवसांचे' म्हणता येईल. 37 आठवडयांच्या आतील मूल अपु-या दिवसांचे समजले जाते. बाळाचे जन्मवजन निदान 2.5 म्हणजे अडीच किलो तरी असायला पाहिजे. यापेक्षा कमी वजनाचे बाळ कमकुवत असते. आता जन्मवजन निदान 3 किलो असावे असे म्हणतात.

अपूर्ण दिवसांचे बाळंतपण होण्याची महत्त्वाची कारणे

• कमी वयात गर्भ राहणे.
• आधी गर्भपात झालेले असणे
• वार आधीच सुटू लागणे.
• पोटावर जोरात मार लागणे.
• जुळी मुले.
• गर्भाशयाच्या पिशवीत बाळाभोवती जास्त पाणी असणे.
• गर्भाररोग, (गर्भारसूज, अतिरक्तदाब) व झटके
• आईला तंबाखू/मिश्री धूम्रपानाची सवय असणे हे बाळाचे वजन कमी असण्याचे एक प्रमुख कारण आहे.

कमी जन्मवजनाची महत्त्वाची कारणे

• आई कुपोषित व अशक्त असणे. रक्तपांढरी
• आईला गर्भारपणात काही आजार.उदा. हिवताप-मलेरिया
• जुळी मुले
• लवकर लवकर मुले होणे.

लेखक : डॉ. श्याम अष्टेकर (MBBS, MD community Medicine)

संदर्भ : आरोग्याविद्या