पहिल्या महायुद्धात मध्यपूर्वेत आणि फ्रान्समध्ये खंदकात एकत्र रहावे लागलेल्या सैनिकांमध्ये हा रोग प्रथम दिसून आला. या रोगाचे जंतू उवेमार्फत एका व्यक्तीपासून दुसऱ्या व्यक्तीत जातात. उवेच्या शरीरात या ⇨ रिकेट्सिया जंतूची वाढ होते; बहुधा ऊ चावल्यामुळे जंतू शरीरात प्रवेश करीत नसावेत, परंतु त्या जागी खाज सुटून खाजविले गेल्यामुळे उवेच्या विष्ठेत असलेले जंतू त्वचेत शिरत असावेत.
आंत्रज्वर (टायफॉइड), टायफस वगैरे ज्वरांपासून व्यवच्छेदक (दोन सारखी लक्षणे दाखविणाऱ्या रोगांतील सूक्ष्म फरक ओळखून) निदान करण्यासाठी पूर्ववृत्ताची मदत होते. विशिष्ट प्रकारच्या रक्त तपासणीनेही निदान करतात.
क्लोरँफिनिकॉल आणि टेट्रासायक्लीन या प्रतिजैव (अँटिबायॉटिक) औषधांचा चांगला उपयोग होतो. इतर चिकित्सा लक्षणावर्ती असते. प्रतिबंधासाठी डीडीटीसारखी उवानाशक औषधे वापरतात.
अभ्यंकर, श. ज.
स्त्रोत: मराठी विश्वकोश
अंतिम सुधारित : 6/4/2020
सूक्ष्मजंतूंच्या एका मोठ्या व मिश्र गटाला रिकेट्स...
काळपुळी : (कारबंकल). या विकारात त्वचा व त्वचेखाली ...
जनावरांमध्ये विविध प्रकारांतील त्वचा विकार मोठ्या ...
सूक्ष्मजंतूंच्या एका मोठ्या व मिश्र गटाला रिकेट्स...