आठवणीतील बडबडगीते

कोण? कोण?

पहाट झाली - सांगत कोण?
कुकुद्मच् - आणखी कोण?
विठू-विठू पोपट - आणखी कोण?
ताजं-ताजं दूध - देत कोण?
गोठयातली हम्मा - आणखी कोण?
चोरुन दूध - पितं कोण?
म्यॉव म्यॉव माऊताई - आणखी कोण?
घराची राखण - करतं कोण?
भू: भू: कुत्रा - आणखी कोण?
बागेतली भाजी - खातं कोण?
मऊ मऊ ससेभाऊ - आणखी कोण?

ये रे ये रे पावसा

ये रे ये रे पावसा
तुला देतो पैसा
पैसा झाला खोटा
पाऊस आला मोठा

पाऊस पडला झिम् झिम्
अंगण झाले ओले चिंब
पाऊस पडतो मुसळधार
रान होईल हिरवंगार.

आपडी थापडी

आपडी थापडी
गुळाची पाडी!
धम्मक लाडू
तेल काढू!
तेलंगीचे एकच पाव
दोन हाती धरले कान!
चाऊमाऊ चाऊमाऊ
पितळीतले पाणी पिऊ
हंडा-पाणी गडप!

करंगळी, मरंगळी

करंगळी, मरंगळी
मधल बोट, चाफेकळी,
तळहात - मळहात,
मनगट - कोपर,
खांदा-गळागुटी-हनुवटी,
भाताचं बोळकं,
वासाचं नळक,
काजळाच्या डब्या,
देवाजीचा पाट,
देवाजीच्या पाटावर,
चिमण्यांचा किलबिलाट.

भटो भटो

भटो भटो
कुठे गेला होतात?
कोकणात
कोणातून काय आणले?
फणस
फणसात काय?
गरे
गर्‍यात काय?
आठिळा
तुम्ही खा गरे, आम्ही खातो गरे
म्हशीला काय?
चार खंड

लव लव साळूबाई

लव लव साळूबाई, मामा येतो
झुक झुक गाडीतून - नेईन म्हणतो
अटक मटक मामी येते
छानसा बॅट-बॉल देईन म्हणते
अबरू-गबरु येतो बंटया
देईन म्हणतो-सगळया गोटया
नको-नको मी इथंच बरा
आईच्या कुशीतच आनंद खरा

चांदोबा लपला

चांदोबा लपला
झाडीत....
आमच्या मामाच्या
वाडीत....
मामाने दिली
साखरमाय....
चांदोबाला
फुटले पाय....
चांदोबा गेले
राईत....
मामाला नव्हते
माहीत....

संकलन : छाया निक्रड