यामध्ये तीन उपघटकांचा समावेश होतो, ते आहेत सर्वांसाठी ब्रॉडबँड - ग्रामीण, सर्वांसाठी ब्रॉडबँड - शहरी व राष्ट्रीय माहिती पायाभूत सुविधा (एनआयआय).
२,५०,००० ग्रामपंचायतींना डिसेंबर २०१६ पर्यंत राष्ट्रीय ऑप्टिकल फायबर जाळ्यांतर्गत (एनओएफएन) आणले जाईल. या प्रकल्पासाठी दूरसंचार विभाग (डीओटी) हा केंद्रीय विभाग आहे.
नवीन शहरी घडामोडींमध्ये व्हर्च्युअल नेटवर्क संचालकाचा उपयोग सेवा वितरणासाठी व दळणवळण पायाभूत सुविधांसाठी केला जाईल व इमारती बांधण्याचे अधिकार दिले जातील.
एनआयआय विविध सरकारी विभागांपासून ते पंचायत पातळीपर्यंत अतिवेगवान जोडणी व क्लाउड प्लॅटफॉर्म देण्यासाठी देशातील नेटवर्क व क्लाउड पायाभूत सुविधा एकत्र करेल. या पायाभूत सुविधा घटकांमध्ये राज्य व्यापी क्षेत्र नेटवर्क (स्वान), राष्ट्रीय ज्ञान नेटवर्क (एनकेएन), राष्ट्रीय ऑप्टिकल फायबर नेटवर्क (एनओएफएन), सरकारी वापरकर्ते नेटवर्क (जीयूएन) व मेघराज क्लाउड यांचा समावेश होतो. स्वान, एनकेएन, एनओएफएन, गन व जीआय क्लाउड यासारखे आयसीटी पायाभूत घटक एकत्रित करणे हे एनआयआयचे उद्दिष्ट आहे. त्यामध्ये राज्य, जिल्हा, गट व पंचायत पातळीवरील अनुक्रमे १००, ५०, २० व ५ सरकारी कार्यालये/सेवा केंद्रांना आडवी जोडणी देण्याची तरतूद असेल. या प्रकल्पासाठी डीईआयटीवाय केंद्रीय विभाग असेल.
स्त्रोत : ब्रॉडबँड हायवे, (एक डिजिटल इंडियाचा उपक्रम )
अंतिम सुधारित : 10/7/2020