शबरी आदिवासी वित्त व विकास महामंडळ : ध्येय आणि उद्दिष्टे
राज्यातील अनुसूचित जमातींचे आर्थिक जीवनमान सुधारण्यासाठी त्यांना मुदत कर्ज, मार्जिन मनी कर्ज तसेच व्यवसायाभिमुख प्रशिक्षण यांच्या माध्यमातून स्वयंरोजगाराची साधने निर्माण करणे असे महामंडळाचे प्रमुख उद्दिष्ट व धोरण आहे. त्या अनुषंगाने शबरी महामंडळ सन २००१-२००२ पासून सदरचे ध्येय व धोरण राबवत आहे. दारिद्र्यरेषा उत्पन्न मर्यादेच्या दुपटीइतके वार्षिक कौटुंबिक उत्पन्न असलेल्या अनुसूचित जमातीच्या घटकास वरीलप्रमाणे विविध योजनांखाली लाभ देण्यात येतो. ग्रामीण भागासाठी सध्या अशा उत्पन्नाची मर्यादा रुपये ५४,५००/- इतकी आहे.
- अनुसूचित जमातीच्या व्यक्तीच्या आर्थिक उत्थानासाठी व कल्याणासाठी स्वतःच्या जबाबदारीवर किंवा सरकार, सांविधिक संस्था, कंपन्या, भागीदारी संस्था, व्यक्ती सहयोगाने किंवा अशा संघटना, अभिकरणे यांच्यामार्फत कृषि, उपज, लघु उदयोग, वाहतूक, वैद्यकीय-अभियांत्रिकीसारखा इतर व्यवसाय, उदयोग किंवा कार्यालय यांच्या माध्यमातून योजना आखणे, प्रचलित करणे, मदत करणे, सल्ला देणे, सहाय्य करणे, वित्तीय सहाय्य करणे, संरक्षण देणे आणि विविध उपक्रम हाती घेणे.
- अनुसूचित जमातीच्या व्यक्तीस समर्थ बनविण्यासाठी व्यवसाय, व्यापार, उदयोग सुरु करण्यासाठी भांडवल कर्ज मिळविण्याची साधने, सामुग्री आणि तांत्रिक व व्यवस्थापकीय सहाय्य देण्याची तरतूद करणे.
- आदिवासींच्या आर्थिक उन्नतीसाठी योग्य व आवश्यक वाटणारे कार्य करणे. ही शबरी आदिवासी वित्त व विकास महामंडळाची ध्येये व उद्दिष्टे आहेत.
संदर्भ : शबरी आदिवासी वित्त व विकास महामंडळ
नॅशनल सेंटर फॉर अॅडव्होकसी स्टडीज, पुणे.
अंतिम सुधारित : 6/11/2020
0 रेटिंग्स आणि 0 टिप्पण्या
तार्यांवर रोल करा, नंतर दर क्लिक करा.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.