हे पुस्तक विज्ञान या विषयाची आवड निर्माण करण्यासाठी सायन्स प्रोग्राम एज्युकेशन फौंडेशन देशात करत असलेल्या प्रयत्नांचा एक भाग आहे. विज्ञान विषयाची संकल्पना अनुभवाद्वारे शिकणे आणि हा अनुभव इतरांसमोर मांडण्याची संधी मिळणे असे या विज्ञान मेळाव्याचे स्वरूप आहे.
'ब्राईट स्पार्क' हे अरविंद गुप्तांच्या शैलीदार लेखणीतून साकार झालेले अत्यंत सुंदर पुस्तक आहे. भारतातील गेल्या शतकातील फारश्या माहित नसणाऱ्या व काही ख्यातनाम थोर शास्रज्ञांचे जीवन योग्य प्रकारे तरुणांच्या समोर मांडण्यासाठी व विज्ञान जागृती व प्रसार करण्यासाठी हे पुस्तक सचित्र स्वरुपात बनविण्यात आलेले आहे.
सभोवताली सहज उपलब्ध असणाऱ्या वस्तू पुन्हा वापरून, त्यांना नवे रूप देऊन त्यांच्यापासून नवनवीन खेळणे बनविण्यासाठी प्रेरित करतात. मुलांना खर्या अर्थाने कृतीशील बनविणारे पुस्तक आहे.
ग गणिताचा - गणितातील गमती, अरविंद गुप्ता यांनी लिहिलेले पुस्तक या ठिकाणी दिले आहे. शिकायची आणि शिकवायची आवड असणार्या प्रत्येकासाठी मुलांचे कौशल्य वाढविणारी मनोविकास प्रकाशनाची हि पुस्तके आहेत.
या आधुनिक कचर्यापैकी काहींचा उपयोग काही आनंददायी खेळणी तयार करण्यासाठी कसा करता येईल हे सांगण्याचा प्रयत्न या पुस्तकातून केलेला आहे. फिल्म रोलच्या डबीचे रुपांतर एका कार्यक्षम पंपात करता येईल. फ्रुटी टेट्रा पंक चे रुपांतर मापन दंडगोलांत किंवा फुलपाखरांत करता येईल, तर, सिगारेटच्या पाकीटातून गम्मतचक्रे निघतील.
शिक्षकांना उपयुक्त ठरतील अशा काही पुस्तकांची माहिती देण्याचा हा प्रयत्न.