<div id="MiddleColumn_internal"> <h3>माहितीचा अधिकार अधिनियम २००५ अन्वये माहिती मिळविण्यासाठी विनंती</h3> <div class="plain" style="text-align: justify; "> <div></div> <ol> <li style="text-align: justify; ">तुम्ही माहितीचा अधिकार अधिनियम २००५ अन्वये कोणत्या ही सार्वजनिक आस्थापनांकडून (सरकारी संस्था किंवा सरकारी अनुदानप्राप्त संस्था) माहिती मिळवू शकता.</li> <li style="text-align: justify; ">यासाठी लागणारा अर्ज हस्तलिखित असू शकतो किंवा टाईप केलेला असू शकतो.</li> <li style="text-align: justify; ">अर्ज इंग्रजी, हिंदी किंवा संबंधित राज्याच्या अधिकृत भाषेत असावा.</li> <li style="text-align: justify; ">तुमच्या अर्जात खालील माहिती पुरवा:<ol type="i"> <li>सहाय्यक लोकमाहिती अधिकारी/लोकमाहिती अधिकारी (पीआयओ) यांचे नाव व पत्ता</li> <li>विषय: माहितीचा अधिकार अधिनियम २००५, सेक्शन ६ (१) अन्वये माहिती मिळविण्यासाठी अर्ज</li> <li>तुम्हाला त्या संस्थेकडून/प्राधिकरणाकडून हवी असलेली विशिष्ट माहिती</li> <li>अर्जदाराचे नांव</li> <li>वडिलांचे/पतीचे नांव</li> <li>वर्ग: अनुसूचित जाती/अनुसूचित जमाती/इतर मागासवर्गीय, इ.</li> <li>अर्ज फी</li> <li>तुम्ही दारिद्र्यरेषेखालील कुटुंबापैकी आहात का? हो/नाही</li> <li>पत्रव्यवहाराचा पत्ता (मोबाईल क्रमांक व ई-मेल आयडी आवश्यक नाहीत)</li> <li>तारीख आणि स्थळ</li> <li>अर्जदाराची सही</li> <li>सोबत जोडलेल्या कागदपत्रांची यादी</li> </ol></li> <li style="text-align: justify; ">अर्ज करण्यापूर्वी सहाय्यक लोकमाहिती अधिकारी/लोकमाहिती अधिकारी यांचे नाव व पत्ता, उल्लेख केलेली फी व फी देण्याची पद्धत पुन्हा एकदा तपासून पहा.</li> <li style="text-align: justify; ">माहितीच्या अधिकाराखाली माहिती मिळविण्यासाठी फी आकारण्याची तरतूद कायद्यात आहे मात्र अनुसूचित जाती/जमाती आणि दारिद्र्यरेषेखालील व्यक्तींकडून फी आकारण्यात येत नाही.</li> <li style="text-align: justify; ">ज्यांना फीमाफी हवी असेल त्यांनी अर्जासोबत अनुसूचित जाती/जमाती/दारिद्र्यरेषेखाली असल्याचे प्रमाणपत्र जोडणे आवश्यक आहे.</li> <li style="text-align: justify; ">अर्ज स्वतः जाऊन/पोस्टाने किंवा ई-मेलद्वारे दाखल करता येतो. जर तुम्ही अर्ज पोस्टाने पाठवत असाल तर नेहमी रजिस्टर पोस्टाचाच वापर करा. खाजगी कोरियर सेवा वापरणे सदैव टाळा.</li> <li style="text-align: justify; ">तुमच्या संदर्भासाठी अर्जाच्या (मुख्य अर्ज, फी भरल्याचा पुरावा, सोबत जोडलेली कागदपत्रे, पोस्टाने अर्ज पाठवल्याचा पुरावा, इ.) दोन (2) छायांकित प्रती तयार करा व सुरक्षितपणे ठेवा.</li> <li style="text-align: justify; ">जर तुम्ही अर्ज स्वहस्ते दाखल करणार असाल, तर एक पोचपावती तयार करा व त्यावर संबंधित कार्यालयाचा तारखेनिशी सही-शिक्का घ्या. जर अर्ज रजिस्टर पोस्टाने पाठवणार असाल तर ही पोचपावती अर्जासोबत जोडा आणि पोस्टाची अर्ज पाठवल्याची पावती व्यवस्थित जपून ठेवा.</li> <li style="text-align: justify; ">लोकमाहिती अधिकार्याला अर्ज मिळाल्यापासूनच्या दिवसापासून अर्जावर कार्यवाही करून माहिती पुरवण्याची मुदत मोजतात.</li> </ol> <h3>खालील बाबीही लक्षात ठेवा</h3> <table class="listing"> <tbody> <tr> <td><br /><strong>क्र.</strong></td> <td><strong><br />परिस्थिती</strong></td> <td><strong>माहिती पुरवण्यासाठी कालावधी</strong></td> </tr> <tr> <td>1</td> <td>सर्वसामान्य परिस्थितींमध्ये माहिती पुरवणे</td> <td>३० दिवस</td> </tr> <tr> <td>2</td> <td>एखाद्या व्यक्तीच्या स्वातंत्र्याशी किंवा जीवनाशी संबंधित विषयावर माहिती पुरवणे</td> <td>४८ तास</td> </tr> <tr> <td>3</td> <td>जर अर्ज सहाय्यक लोकमाहिती अधिकार्यामार्फत (एपीआयओ) स्वीकारण्यात आला असेल तर</td> <td>वरील दोन्ही परिस्थितींच्या कालमर्यादेमध्ये ५ दिवस आणखी जोडावेत.</td> </tr> </tbody> </table> </div> </div>